Gareth Bale e ka ndier shumë presionin e sezonit të kaluar kur nuk i dha asnjë trofe Realit. Pas fitores 6:0 kundër Espanyolit, ai nxjerr në pah arsyet e atij zhgënjimi.

“Sezonin e parë ishte i jashtëzakonshëm, por tek i dyti pata shumë vështirësi. Nuk ndihesha i integruar dhe presioni i tepërt të bën të ndihesh keq. Ndërsa tani ndihem shumë mirë në pozicionin e ri që më ka integruar trajneri. Si sulmues qendre kam gjetur shumë mirë. Ne duam të shënojmë sa më shumë gola. Arma më e fortë është besimi që kemi. Me Benitezin është shtuar optimizmi”, nënvizoi Bale.

Ndërkohë, “Daily Mail” ka zbuluar se sulmuesi uellsian ka marrë leksione psikologjike në Angli. Ai ka marrë leksion nga psikologu i sportit, Jeremy Edwards, i cili ka ndihmuar si Joe Hart dhe Luke Shaw.

Edwards ka qenë basketbollist në vitet ’90 dhe ndihmon pacientët si të tejkalojnë situatat e vështira si me fansat, drejtuesit dhe me mediat. /Telegrafi/