Mbrëmë (e premte) në Big Brother VIP Albania dy të nominuarat ‘Kiara Tito dhe Olta Gixhari’ kanë qenë duke shijuar një kohë veçmas në suitë.
Vajzave iu organizua një ndejë nga ‘Vëllai i Madh’, ku iu përgjigjën disa pyetjeve dhe në fund kërcyen e u argëtuan me njëra-tjetrën.
Kjo bëri që të revoltohet Luizi, pasi shkoi në suitë dhe ndërpreu këtë atmosferë të vajzave, për faktin se dëshironte të qëndronte këtë natë me moderatoren, e cila me shumë gjasë mund të dilte në nominimin e natës së sotme (e shtunë).
Foto: Screenshot/Facebook
Sjellja e artistit shkodran është diskutuar edhe në spektakël, ku banorët janë pyetur se si e kanë parë gjithë këtë.
Kur u pyet se a ishte kjo një sjellje e duhur dhe se çfarë ka për të thënë për këtë, këngëtari tha: “Gabova”.
Luizi tutje theksoi se nuk dëshiron ta komentojë më shumë këtë pjesë, por që thjesht ka gabuar.
Kiara nga ana tjetër tha se në ato momente nuk është ndjerë mirë dhe se i kërkoi Luizit të mos e përsëriste asnjëherë një gjë të tillë. /Telegrafi/
