Të shtunën (sonte) mbrëma (9 qershor) në Mançester Arena zhvillohet dueli ndërmjet Tyson Fury dhe Sefer Seferit që është njëherësh meçi më i vështirë në karrierën e boksierit shqiptar, kur kihet parasysh se ka përballë një ish-kampion të unifikuar botëror.

Mirëpo, edhe pse është dhjetë vjet më i moshuar se kundërshtari i tij dhe ka zhvilluar vetëm një përballje në kategorinë e peshave të rënda, Seferi beson në fitoren e tij.

Kurse Fury, i cili numëron 25 triumfe nga po aq meçe, nuk ka zhvilluar një duel prej kur e ka mposhtur Wladimir Klitschkon në vitin 2015 dhe në këtë periudhë i ka humbur titujt e peshave të rënda dhe licencën për të boksuar për shkak të hetimeve për doping.

Fyru ka respekt për Seferin, duke thënë se e konsideron këtë përballje njësoi sikur të ishte Joshua apo Klitshcko e edhe Wilder.

“Seferi është një boksier i mirë, nuk po e nënvlerësoj. E konsideroj njësoj si (Anthony) Joshuan, Wladimir (Klitshckon), (Deontay) Wilderin apo këdo tjetër”, tha ai.

“Ai është një goditës i rrezikshëm me 21 nokaute. Është në formë të mirë, është një mashkull me dukje të mirë dhe do të vijë për të më nokautuar të shtunën”, shtoi Fury. /Gazeta Express/