Fury e paralajmëron Wilderin para rimeçit: Të rraha një herë, do të të rrah përsëri

PUBLIKUAR

Tyson Fury këmbëngul se do ta mposhtë Deontay Wilderin në rimeçin mes tyre për titullin e kampionit të botës në kategorinë e rëndë të boksit, i cili pritet të zhvillohet në fillim të vitit të ardhshëm.

Boksieri britanik Fury bëri një paraqitje të pamëshirshme duke e mundur Tom Schwarzin me nokaut në rundin e dytë, në meçin e kategorisë së rëndë në Las Vegas, të dielën në mëngjes, shkruan Gazeta Express.

Ky ishte meçi i parë për Fury që prej barazimit kontrovers me kampionin e ËBC-së, Deontay Wilder, në Los Angeles në dhjetor, të cilin Fury ndien se e kishte fituar.

“Unë e kam rrahur atë një herë tashmë, prandaj do ta rrah përsëri”, tha Fury.

“Ai do të përballet me një Tyson Fury plotësisht të gatshëm dhe të freskët për meç. Do të jetë lufta më e madhe në botën e boksit”, shtoi Fury.

Për Fury kjo ishte fitorja e 28-të në karrierë, nga të cilat 18 i ka me nokaut, ndërkohë që regjistron edhe një barazim.

Promotori britanik i Fury, Frank Warren, ka thënë se Fury me shumë mundësi do ta zhvillojë një meç tjetër në shtator ose tetor, me gjasë në Nju Jork, para rimeçit kundër amerikanit Wilder. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...