Forcat e Sigurisë së Kosovës (FSK) ka njoftuar se kanë përfunduar me sukses demolimin në oborrin e shtëpisë në Arllat të Drenasit.
FSK ka njoftuar se gjatë intervenimit nga Organizata HALO është gjetur një mjet shpërthyes në oborrin e një shtëpie dhe se EOD ka intervenuar me të marrë informacionin.
“Me të arritur në vendngjarje, ekipi i EOD-së ka marrë situatën nën kontroll duke siguruar banorët e lagjes dhe duke kryer evakuimin e tyre. Pastaj ekipi me profesionalizëm ka kryer punët mbrojtëse për të penguar efektet shpërthyese të mjetit të gjetur me qëllim të ruajtjes së jetës dhe pronës, dhe është kryer shpërthimi i kontrolluar i mjetit shpërthyes. Ky shpërthim është kryer në mënyrë të sigurt duke ruajtur edhe shtëpinë që ishte në distancë 15 m nga mjeti shpërthyes”, ka shkruar FSK në “Facebook”.
Tutje, FSK ka shtuar se ekipet e EOD-së së Kompanisë së Deminimit të FSK-së janë ekipe të trajnuara, shumë profesionale që ndihmojnë në largimin e këtyre rreziqeve dhe ruajtjen e jetës dhe pronës së qytetarëve të Kosovës
