Sankovci, një fshat i Vushtrrisë, do të dallohet tash e tutje nga katundet e tjera. Ata nuk u lodhën të gjejnë emra të mendimtarëve me famë për t’i emërtuar rrugët, pasi ua lanë emrat e paraardhësve të vetë.
Në këtë fshat janë 14 rrugë që kanë mbiemrin e njëjtë: Cakaj.
Banorët që jetojnë këtu nuk i pengon ky realitet.
“Jemi krejt një mbiemër, edhe rrugët i kemi secili për shtëpi të vetën”, tha për Klan Kosova një banor.
Nga ana tjetër zyrtarët komunal po thonë se rrugët u emërtuan para një viti e gjysmë me aprovim të Asamblesë Komunale dhe se gjithçka u bë sipas ligjit.
