Flet Ronaldo pasi u lëndua në ndeshjen kundër Serbisë

PUBLIKUAR

Ylli portugez insiston se është i qetë, përkundër që pësoi lëndim në barazimin e së hënës kundër Serbisë.

Cristiano Ronaldo i ka qetësuar tifozët e Juventusit, duke thënë se ata nuk duhet të frikësohen për lëndimin që e pësoi portugezi në ndeshjen kundër Serbisë, e cila përfundoi me rezultat 1:1, transmeton Gazeta Express.

Portugalia e priti Serbinë në Lisbonë për ndeshjet kualifikuese në EURO 2020, pasi kishin barazuar pa gola në ndeshjen e parë të grupit, kundër Ukrainës.

Mirëpo, dita u përkeqësua për Ronaldon, i cili u lëndua qysh në minutën e 31-të, për shkak të një problemi muskulor, dhe u detyrua ta lë ndeshjen menjëherë.

Megjithatë, përkundër që u largua nga ndeshja në minutën e 31-të, Ronaldo insiston se problemi i tij nuk është serioz dhe nuk është i shqetësuar për ndeshjet e radhës të Juventusit.

“Nuk jam i shqetësuar sepse e njoh trupin tim në mënyrë të përsosur”, ka thënë Ronaldo pas barazimit të mbrëmshëm me Portugalinë.

“Gjëra të tilla ndodhin, kështu e ka futbolli. Kushdo që del në fushë, rrezikon. Jam i qetë sepse e di se do të kthehem plotësisht brenda një apo dy javë pa asnjë problem”.

Ky vlerësim i Ronaldos është lajm i mirë për Juventusit, të cilët do të përballen së shpejti me Ajaxin në gjysmëfinalet e Ligës së Kampionëve, kundër Ajaxit. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...