Claudio Ranieri ka lavdëruar futbollistët e tij pas fitores kundër Chelseat.
Leicester city mposhti me rezultat 2-1 të besuarit e trajnerit portugez, Jose Mourinho, ndërsa trajneri italian tha se kjo është mbresëlënëse dhe u arrit në saje të tifozëve dhe punës ekipore.
“Ne po luajmë bukur, me një prekje të topit. Falënderoj tifozët të cilët po na ndihmojnë me brohoritjet e tyre”.
“Pa Vardin do të ishte e vështirë të arrihet deri këtu. Të gjithë e duan sulmuesin tonë”, ka thënë Ranieri pas takimit.
Pas kësaj fitoreje, Leicester City rimerr kreun e renditjes tabelore të Ligës Premier me 35 pikë, dy më tepër se Arsenali i vendit të dytë. /Telegrafi/