Vendi ku presidenti turk Recep Tayyip Erdogan kishte planifikuar të mbaj një fjalim, është shndërruar në kaos dhe në një vend të dhunës, kur një gazetar është larguar fizikisht nga vendi i ngjarjes nga personi i sigurimit turk, derisa një roje tjetër ka goditur dhe hedhur në trotuar një grua para rrugëve kryesore të Uashingtonit, raporton Foreign Policy .

Një grup i vogël protestuesish ishin mbledhur në rrugën nga Instituti Brookings pranë Dupont Circle në Uashington, derisa disa mbanin pankarta në të cilat shkruante, “Erdogan: Kriminel i luftës”, kurse disa tjerë shfrytëzonin megafonin për të brohoritur “vrasës i fëmijëve”, transmeton Telegrafi.

Por kur protestuesit tentuan të kalojnë rrugën, policët e Uashingtonit bllokuan trafikun dhe fizikisht i ndanë ata nga personeli turk. Një agjent i Shërbimit Sekret që qëndronte pranë i kishte thënë një kolegut se “situata është paksa jashtë kontrollit”. /Telegrafi/