Një grup gazetarësh, përfaqësues të medieve, të shoqërisë civile dhe qytetarë, në sheshin “ZahirPajaziti” në Prishtinë kanë filluar të protestojnë duke kërkuar mjedis të sigurt për ushtrimin e profesionit të gazetarisë dhe të lirisë së shprehjes.

Qëllimi i organizimit të kësaj proteste është sensibilizimi i opinionit me dhunën në rritje ndaj gazetarëve, sidomos pas rastit të fundit të therjes me thikë të gazetarit, Milot Hasimja.

Hasimja, të hënën, është sulmuar me thikë në kokë ku ka marrë 4 plagë dhe aktualisht është jashtë rrezikut për jetë. /Telegrafi/