Të ejten ka filluar aksioni i fundëvitit për shpërndarjen e dhuratave për fëmijët me nevoja te veçanta dhe fëmijë nga familjet skamnore të Komunës së Lipjanit.

Ky askion për shpërndarjen e dhuratave po bëhet nga të rinjët (vullnetarë) të Këshillit të Veprimit Rinor Lokal në Lipjan dhe është mbështetur me mjete financiare nga Kryetari i Komunës Imri Ahmeti, ku dhe ju është siguruar transporti për shpërndarjen e këtyre dhuratave.
Me këtë rast Kryetari Ahmeti është shprehur se kjo është një simbolik që në prag të festave të fundvitit të gëzohen edhe fëmijët të cilët kanë më së shumti nevojë dhe ta ndiejnë veten sikur fëmijët e tjerë të sheteve më të avancuara, njëkohësisht kreu lipjanas ka falenderuar të rinjët (vullnetarë) për paketimin dhe shpërndarjen e këtyre dhuratave.
Këtij askioni iu kanë bashkangjitë edhe disa prej bizneseve lokale.