Këngëtarja e njohur shqiptare, Fjolla Morina, po vazhdon të vuajë masën e dënimit “arrest shtëpiak” për 20 ditë në qytetin e Kukësit.

Asaj i është gjetur një banesë ku po qëndron deri në një vendim të dytë që do të japë gjykata, pas dënimit që i shqiptoi për gjetjen e armëve që iu bë gjatë një kontrolli rutinor në pikën kufitare në Morinë.

Teksa po jeton e vetme, Fjolla po mirëpret herë pas here vizitorë, dhe e fundit që ka shkuar për ta parë atë ka qenë kolegia e saj, Fifi.

Foto: Fifi/InstaStory

Këngëtarja dhe kompozitorja, emri i vërtetë i së cilës është Filloreta Raçi, ka publikuar në InstaStory një video ku shfaq momentet teksa Fjolla komunikon me të bijën e saj, Alayah.

“Ajo ka nevojë për beben e saj. Çfarëdo që ndodhë, kudo që jeta na përplas. Në të mirë e në të keq, unë jam aty për ty”, ka shkruar Fifi në InstaStory.

Foto: Fifi/InstaStory

Të njëjtin postim, Fjolla më pas e ka rishpërndarë duke treguar se ndjehet e lumtur që po gjen mbështetjen nga kolegët e saj.

Ditë më parë, edhe këngëtari dhe ish-deputeti Labinot Tahiri bëri një shkrim suportues për Fjollën, duke i quajtur padrejtësi paragjykimet që po bëhen në drejtim të saj. /Telegrafi/