Edhe pse rregullat në që janë në federatë spanjolle të futbollit (RFEF) ia lejojnë Barcelonës ta regjistroj një lojtar, FIFA këtë e ka refuzuar.
Përfundimisht FIFA e ka njoftuar Federatën e Futbollit të Spanjës (RFEF) se mesfushori Arda Turan, nuk do të mund të regjistrohet nga klubi katalanas deri në afatin e janarit.
“FIFA na ka bërë të ditur se i kanë njoftuar Federatën e Futbollit të Spanjës (RFEF) se është e pamundur që Turan të regjistrohet. Ai nuk do të mund të luaj deri në janarin e vitit 2016”, shkruhet në letrën që FIFA i ka dërguar spanjollëve.
Barcelona kishte kërkuar që ta regjistroj Arda Turanin, pasi Rafinha ishte lënduar në një ndeshje të Ligës së Kampionëve. /Telegrafi/