Reali është shpallur kampion për sezonin 2019/20.
Një xhiro pa përfunduar La Liga, Reali edhe matematikisht triumfoi në Spanjë, duke e mposhtur në Di Stefano Villarrealin 2-1 dhe edhe në rast barazimit apo humbjes, duke parë që humbi edhe Barcelona në Camp Nou 1-2 nga Osasuna – Reali sërish do të ishte shpallur matematikisht kampion,
Sido që të jetë, Reali nuk deshi të varet nga të tjerët dhe fitoi ndeshjen e saj, për të rrëmbyer titullin e 34 të La Ligës në histori.
Los Blancos, meqë e luajtën ndeshjen e fundit në shtëpi dhe nuk do të ketë festime të veçanta për shkak të COVID-19, ngritën trofeun për herë të parë në stadiumin “Alfredo Di Stefano”. /Gazeta Express/
