Ish presidenti i Kosovës, Fatmir Sejdiu, ka vlerësuar se për tetë vjet shtet Kosova ka pasur shumë zhvillime pozitive të cilat kanë dëshmuar qëndrueshmërinë e Kosovës si shtet i pavarur.

Ai për Epoka e Re ka thënë se në mesin e këtyre të arriturave është marrja e ‘tapisë’ ndërkombëtare, ndërrimi i Institucioneve, rrumbullakimi i kornizës ligjore, transformimi i sistemit ekonomik dhe sigurimi i njohurive kualitative.

Megjithatë, Sejdiu ka theksuar se edhe më tutje nuk ka zhvillim të fuqishëm të ekonomisë, reformimit të gjyqësorit, si dhe funksionim të shtetit të së drejtës.

Sa i përket krizës politike në vend Seidiu ka thënë se duhet të tejkalohet nëpërmjet dialogut, por nëse nuk ka rezultat atëherë, sipas tij, edhe zgjedhjet mund të jenë zgjidhje.