Drejtori ekzekutiv i Milanit, Marco Fassone e ka pranuar se janë të interesuar që ta transferojnë Renato Sanchesin. Por, ai ka bërë të ditur se Bayern Munuch po kërkon shumë para për portugezin.

“Në këtë moment nuk ka negociata Raporti ynë me Karl-Heinz Rummenigge është shumë i mirë. Ne e kemi diskutuar situatën disa herë, por në këtë moment ata po kërkojnë një çmim të lartë për lojtarin”, tha Fassone

“Nëse situata ndryshon në gusht, atëherë ne jemi këtu”, ka deklaruar  Fassone për Sky Sport Italia, përcjell Express.

Milan deri më tani ka transferuar Leonardo Bonuccin, Lucas Biglian, Andre Silvan, Hakan Calhanoglun, Ricardo Rodriguezn, Mateo Musacchion, Andrea Contin, Franck Kessien dhe Fabio Borinin. /Express/