Fadil Ademi është emëruar trajner i Ulpianës nga Lipjani, kurse ai të hënën ka arritur marrëveshje për drejtimin e skuadrës nga Lipjani, ndërsa pritet të prezantohet te klubi lipjanas të martën. KF Ulpiana nëpërmjet një njoftimit zyrtar ka shkruar se Fadil Ademi nga e marta do ta drejtoj Ulpianën.

“Ne jemi mirënjohës që ai ka pranuar të jetë në krye të klubit tonë. Ademi ka qenë i suksesshëm si lojtar në këtë klub, e besojmë shumë se do t’ia dalë mbanë edhe si trajner, sepse ka cilësi të mëdha”, thuhet në njoftim. Në fakt, Ulpiana ndryshimet e para në klub tashmë i ka nisur, sepse pos trajnerit, Ademi, të hënën në klub janë kthyer edhe disa ish-futbollistë të cilët pritet ta marrin përsipër riorganizimin në klub. Zyrtarisht thuhet se tashmë ish-futbollistëve, Arian Duriqi e Arian Dragaqina u është besuar organizimi i klubit./ulpianapres/