Mbrojtësi i Juventusit, Patrice Evra, ka shprehur pakënaqësinë e tij pas barazimit ndaj Sampdorias.
Francezi shënoi golin e parë për kampionin italian, mirëpo Manolo Gabbiadini e barazoi rezultatin dhe me shifra identike përfundoi takimi.
Aktualisht, Roma është vetëm një pikë prapa Bianconerëve (pas fitores ndaj Genoas) dhe kjo nuk i pëlqen 33-vjeçarit.
“Doemos duhet ta fitojmë ndeshjen e radhës. Kemi lëshuar dy pikë këtu dhe kjo nuk është mirë”.
“Duhet ta mposhtin Cagliarin. Kemi karakter dhe personalitet të madh, prandaj jam i sigurt se do t’ia dalim”, ka deklaruar Evra.
Ky barazim, njëherësh ndërpreu rrjedhën prej 25 fitoresh radhazi në Serie A në Juventus Stadium dhe është hera e parë që nga maji i vitit 2013 që Bianconerët zhvillojnë dy ndeshje pa fitore. /Telegrafi/
