Pas dhjetë vjetësh qëndrimi në Kosovë, Misioni i Bashkimit Evropian për Sundim të Ligjit (EULEX) në qershor do ta përfundojë mandatin e tij në Kosovë. Qeveria e Kosovës dhe vetë ky mision për gazetën “Zëri” kanë konfirmuar se pas 14 qershorit misioni i EULEX-it do të jetë vetëm këshillëdhënës, shkruan sot Gazeta “Zëri“.

Ka mbetur vetëm edhe një muaj nga koha kur Misioni i Bashkimit Evropian për Sundim të Ligjit (EULEX) do ta përfundojë mandatin e tij në Kosovë.

Pas 14 qershorit të këtij viti  ky mision më nuk do të jetë funksional. Prokurorët dhe gjyqtarët e këtij misioni më nuk do të jenë pjesë e sistemit të drejtësisë kosovare. Mandati i këtij misioni pas 14 qershorit do të jetë vetëm këshillëdhënës.

Zëdhënësja e Qeverisë së Kosovës Donjeta Gashi ka thënë për gazetën “Zëri” se ky mision më nuk do të ketë rol të sundimit të ligjit, por vetëm këshillëdhënës..