EULEX: Deklarata e Kuçit për dënimin e Lushtakut, frikësim dhe ndërhyrje politike

PUBLIKUAR

LAJME TË TJERA

Lipjanasi sulmon motren e tij, arrestohet

Sipas raporit Policisë bëhet e ditur se është shoqëruar në stacionin policor i dyshuari...

Mbahet Seancë Solemne në shënim të 14 qershorit, Ditës së Dëshmorëve të Komunës së Lipjanit

Shënimin e kësaj dite përfaqësuesit e Komunës së Lipjanit, të prirë nga Kryetari Imri...

EULEX konsideron se deklarata e ministrit të Drejtësisë, Hajredin Kuçi, në lidhje me dënimin e Sami Lushtakut mund të perceptohet si frikësim dhe ndërhyrje politike.

Ky mision nëpërmjet një komunikate për media sqaron se pas kësaj deklarata është shtyrë mbledhja e Bordit të Përbashkët për Sundim të Ligjit e cila mbahet me pjesëmarrje të EULEX-it, të BE-së, gjyqësorit dhe ministrit të Drejtësisë.

Në një emision televiziv, ministri Kuçi ka thënë se dënimi i kryetarit të Skenderajt, Sami Lushtaku nga Gjykata Themelore e Prishtinës është absurd.

Lushtaku është dënuar nga shkalla e parë me 12 vjet burg për krime lufte.

Rasti i Lushtakut dhe të akuzuarve tjerë në “Grupin e Drenicës” do të trajtohet në Gjykatën e Apelit pas ankesës së mbrojtjes.

Në vijim komunikata e plotë e EULEX-it dërguar mediave:

Sot, EULEX-i, PSBE-ja, dhe zyrtarë të lartë të gjyqësorit të Kosovës, duke përfshirë Ministrin e Drejtësisë, kanë pasur në plan që të mbajnë mbledhjen e Bordit të Përbashkët për Sundimin e Ligjit (BPSL) për të rishikuar progresin dhe forcuar qasjen e përbashkët për sundimin e ligjit në Kosovë.

Mbrëmë, në një intervistë televizive, Ministri i Drejtësisë ka dhënë mendimin e tij lidhur me meritat e një rasti penal të profilit të lartë në Gjykatën e Apelit dhe e ka vënë në pyetje vendimin të cilin e kanë marrë gjyqtarët në Gjykatën Themelore në Prishtinë.

EULEX-i thekson se deklaratat e tilla mund të perceptohen si frikësim dhe ndërhyrje politike.

Autoritetet e Kosovës duhet të sigurojnë që gjyqësori të gëzojë mbështetjen e duhur për të gjykuar në një mjedis të paanshëm. Pas kësaj deklarate të Ministrit të Drejtësisë, takimi i sotëm i BPSL-së shtyhet për një datë tjetër. /Telegrafi/

SHIKO MË SHUMË

Moti sot: I vranët dhe me diell, temperaturat deri në 26 gradë

Këtë të premte pritet të mbajë mot kryesisht i vranët, me mundësi të reshjeve...

Bashkësia Islame njofton në sa ora do të falet të dielën Kurban Bajrami

Bashkësia Islame ka bërë të ditur se namazi i Kurban Bajramit me 16 qershor...

Moti sot: Me diell dhe vranësira, temperaturat deri në 31 gradë Celsius

Sot mbi vendin tonë do të mbajë mot me diell dhe vranësira të nivelit...