Sot, më 20.02.2015, në orën 12.50, ekipi i Task Forcës së kërkim-shpëtimit në ujëra i Regjimentit të Mbrojtjes Civile të FSK-së, pas 14 ditësh e gjeti trupin e pajetë të Arlind Gashit 12 vjeç, nga fshati Rufc i Vjetër, komuna e Lipjanit, i cili dyshohej se ishte zhdukur në lumin Sitnica.

Ekipi i kërkim-shpëtimit të FSK-së e gjeti trupin e pajetë të Arlind Gashit, rreth 50 metra larg vendit ku dyshohej se ka rënë ai.

Dje dhe sot, me qëllim të intensifikimit të operacionit të kërkimit shpëtimit, FSK-ja ka rritur numrin e pjesëtarëve të Task Forcës së kërkim-shpëtimit, nga 22 sa ka qenë deri më tani, në 34 pjesëtarë, me çka në ditën e sotme, ka rezultuar me sukses. /Telegrafi/