Era poston video, vë në pah linjat e saj trupore dhe të pasmet e Norës

Edhe tri ditë na ndajnë nga publikimi i klipit më të ri nga Era dhe Nora Istrefi.

“Nuk e di” mban titullin kënga e tyre e re, e cila do të jetë ritmike, dhe është vizualizuar edhe me klip.

E SPONZORIZUAR

Motrat Istrefi ka kohë që përmes rrjeteve sociale po paralajmërojnë ardhjen e këtë klipi, teksa një gjë të tillë e kanë bërë edhe gjatë ditës së martë.

Era ka publikuar në rrjetin social Instagram një video mjaft provokuese, duke vënë në pah linjat e saj atraktive, njashtu të motrës së saj e cila gjendej pranë.

Të dy motrat Istrefi shquhen për paraqitjet e tyre ekstravagante, teksa të tilla pritet të vijnë edhe në klipin e këngës “Nuk e di”.

Ky duet njëherësh do të shënojë rikthimin e Erës në të kënduar në shqip, pas një vale të gjatë projektesh në gjuhën angleze për tregun ndërkombëtar.