Edhe sivjet si edhe herave të tjera në Gërmi të Prishtinës, organizuar nga Federata Atletike e Kosovës është mbajtur Krosi i Bardhë 2015. Në këtë garë kanë marrë pjesë 110 garues nga  9 klube të Kosovës: Prishtina, Kalaja, Trepça, Mitrovica, Trepça 89, Fushë Kosova, Llapi, Malisheva. Garat janë zhvilla në 11 disiplina për të gjitha moshat në të dy gjinitë. Kushtet për zhvillimin e garave ishin të vështira, konkurrenca nuk ishte shumë e fortë, por atletët e këtyre klubeve, trajnerët dhe drejtuesit e tyre meritojnë lëvdatë për përkushtimin e tyre që ta mbajnë gjallë me këto aktivitete “Mbretëreshën e sporteve” në Kosovë.

Në dy disiplinat kryesore ngadhnjyen, Donika Veseli e Llapit në konkurrencën e senoreve, kurse në atë të seniorëve vend i parë i takoi, Emir Grajçevcit të Fushë Kosovës. Siç është pritur edhe në këtë garë për junior të vjetër i pari doli përfaqësuesi i Trepçës, Valentin Sadiku. Për veteran, fitoi Kemajl Biçkaj i Prishtinës, para Muhamet Ramës tëp o këtij klubi, pork y i fundit ka mbushë plotë 70 vjet.

Më të dalluarit u nderuan me diploma nga Federata Atletike e Kosovës, Ky ishte aktiviteti i parë për vitin 2015, kurse gara e radhës do të zhvillohet më 17 shkurt në Junik ku do të mbahet Krosi i Pavarësisë 2015, ku pritet të marrin pjesë përfaqësues nga Shqipëria, Maqedonia, Mali i Zi dhe natyrisht atletët më të dalluar të Kosovës.

Gani KOSUMI

MESHKUJT

FEMRAT