Një djalë i ri humbi jetën pak minuta më parë pasi mbeti i vrarë nga plumbat e një arme zjarri. Viktima është Ismet Xhani, 31 vjeç, banues në fshatin Luz i Madh, Kavajë, raporton noa.al, duke cituar burime zyrtare nga policia lokale.
Mësohet se Xhani është vrarë me armë zjarri tip pushkë dhjetëshe. Nga ana e uniformave blu u bë ndalimi i autorit të dyshuar i cili po tentonte të largohej nga vendi i ngjarjes. Personi i arrestuar është Xhevdet Saraçi, 56 vjeç, banues në Kavajë. Në cilësinë e provës materiale u sekuestrua arma e zjarrit tip pushkë 10-she.
Paraprakisht bëhet e ditur se gjithçka ka ndodhur për motive të dobëta, pasi autori i dyshuar dhe viktima janë konfliktuar me fjalë. Aktualisht po punohet për zbardhjen e plotë të ngjarjes si dhe shkaqet e konfliktit që çuan në këtë ngjarje.