Policia në Gjilan ka njoftuar se sot në orën 03:10 ka pranuar informacione se në një kafiteri në Dobërqan një person ka ekspozuar armë zjarri.

Policia e ka arrestuar personin e dyshuar dhe atij i është konfiskuar arma e zjarrit Ekol special e kalibrit 9 milimetra dhe një karikator.

Ndaj të dyshuarit është ngritur kallëzim penal “Mbajtja në pronësi, kontroll ose posedim të paautorizuar të armëve”.

Njoftimi i plotë:

Drejtoria rajonale e Policisë Gjilan, Stacioni Policor Gjilan me datën 31.07.2023 rreth orës 03:10 ka pranuar informacion se në një kafiteri në fshatin Dobërqan komuna e Gjilanit dyshohet se njëri nga të pranishmit ka ekspozuar një armë zjarri.

Njësitet policore relevante i janë përgjigjur rastit ku kanë lokalizuar dhe arrestuar personin e dyshuar nga i cili është konfiskuar një (1) armë zjarri e llojit Ekol special e kalibrit 9 mm. dhe një (1) karikator si dëshmi për gjykatën. I dyshuari është shoqëruar në Stacionin Policor Gjilan ku është intervistuar në bazë të procedurave ligjore.

Për rastin është njoftuar prokurori i shteti i cili ka urdhëruar që ndaj të dyshuarit të ngritët kallëzim penal për veprën penale ,, Mbajtja në pronësi, kontroll ose posedim të paautorizuar të armëve’’, rasti vazhdon të hetohet.