Burime të gazetës online Sovrani.info bëjnë të ditur se demarkacioni do të procedohet në Kuvendin e Kosovës të enjten e ardhshme. Koalicioni PDK-LDK nuk ka arritur të sigurojë votat e nevojshme për kalimin e demarkacionit. Burimet e sovrani.info thonë se Lidhja Demokratike e Kosovës është duke bërë presion të madh te deputetët e kësaj partie që të votojnë demarkacionin. Disave prej tyre u janë premtuar pozita dhe favore tjera nëse votojnë për versionin e tashëm të demarkacionit.
Burimet e Sovrani.info thonë se pavarësisht presioneve ndaj deputetëve, koalicioni PDK-LDK përfundimisht ka dështuar në sigurimin e votave për kalimin e demarkacionit. Rrjedhimisht, pritet që të enjten demarkacioni përfundimisht të rrëzohet dhe vendi të shkojë në zgjedhje të parakohshme.


