Joachim Low ka marr një lajm të hidhur para nisjes së evropianit të futbollit ‘France 2016’.

Ilkay Gundogan, mesfushor i Borussia Dortmundit dhe i reprezentacionit të Gjermanisë ka mbyllur stinorin dhe mundësinë për EURO 2016.

Njoftimin e ka dhënë skuadra e turko-gjermanit, Borussia Dortmund, e cila ka bërë të ditur se “lëndimi i tij i pësuar në stërvitje të ekipit do ta lë jashtë fushave deri në fund të qershorit”.

Kujtojmë se paraditen e sotme edhe Anglia ka humbur shërbimet e Alex Oxlade-Chamberlain, i cili ka mbyllur edhe sezonin në Ligën Premier. /Telegrafi/