Nuk është vetëm Jordan Henderson në mesin e lojtarëve të Liverpoolit që bëjnë pjesë në radarin e klubeve arabe.

Sipas mediumit britanik “The Athletic”, edhe Fabinho ka përfunduar në shënjestër të pasanikëve sauditë, përcjell “Gazeta Express”.

Al-Ittihad e ka gati një ofertë prej 46,7 milionë erosh për futbollistin brazilian.

Fabinho ka kontratë edhe dy vjet me Liverpoolin, ndërsa “Reds” po e shqyrtojnë seriozisht mundësinë e shitjes së përfaqësuesit brazilian për ta zëvendësuar atë me një lojtar tjetër.

Pra, ka mundësi të mira që mesfushori jug-amerikan të bëhet shok skuadre me Benzeman e Kanten në Saudi Pro League.

Yjet e Premierligës janë bërë objektiv kryesorë të klubeve nga Arabia Saudite. /Gazeta Express/