Dy tërmete kanë goditur Maqedonin sot në orët e mbrëmjes.

I pari është shënuar rreth orës 18:33 me epiqendër në Vraneshticë të Kërçovës dhe fuqia e tij ka qenë 4.8 shkallë derisa tjetri është shënuar në orën 18:42 minuta me 4.9 shkallë. Tërmeti është ndjerë edhe në Tetovë dhe rrethinë në shumë qytete të tjera të vendit.

Gjatë një ore më pas janë shënuar edhe dy dridhje të tjera pak më të lehta, me epiqendër diku në jug të vendit rreth qytetit të Resnjës, transmeton Zhurnal, njofton Klan Kosova.