Atletico Madridi ka vazhduar me formën e mirë në La Liga edhe në javën e dymbëdhjetë.
Colchoneros arritën një fitore me shumë mund kundër Betisit me rezultat 0-1.
Goli i vetëm në ndeshje u shënua nga mesfushori spanjoll, Koke në minutën e 7-të, gol i cili erdhi nga gabimi i mbrojtësve kundërshtarë.
Edhe pjesa e dytë u dominua nga Atletico, ku rastet më të mira i kishte francezi, Antoine Griezmann.
Me këtë fitore ekipi i drejtuar nga Diego Simeone renditet në vendin e dytë me 26 pikë, dy më shumë se Real Mardidi në vendin e tretë dhe katër më pak se Barcelona në vendin e parë.
Ndeshja e ardhshme e Colchoneros është kundër Espanyolit. /Telegrafi/
