E ardhmja e Zlatan Ibrahimovic në Milan është në dyshim për shkak të shqetësimeve në lidhje me gjendjen e tij fizike pas lëndimit të tij të fundit.

Sulmuesi suedez 40-vjeçar aktualisht po punon shumë në palestër për t’u rikuperuar nga një problem në tendinën e Akilit që pësoi në barazimin 0-0 me Juventusin fundjavën e kaluar.

Ai pret të jetë i gatshëm në kohë për Derby della Madonnina të fundjavës së ardhshme kundër Interit, por ky dëmtim i fundit ka çuar përsëri në pikëpyetje për të ardhmen e tij me kuqezinjtë.

Siç theksohet nga La Gazzetta dello Sport, kontrata e Ibrahimovic skadon me Milanin në fund të këtij sezoni, transmeton Gazeta Express.

Nëse motivimi dhe gjendja fizike e Ibrahimovic qëndrojnë, Milani automatikisht do të kërkojë të rinovojë kontratën e tij, duke besuar se ai është një pjesë jetike e dhomës së zhveshjes.

Por, nëse 40-vjeçari suedez ndjen lodhjen dhe zhgënjimin nga loja, të dy palët do të shkojnë në rrugë të ndara në verë. /Gazeta Express/