Antonio Cassano ka insistuar se Paulo Dybala kurrë nuk do të arrijë nivelin e Lionel Messit dhe Cristiano Ronaldos, teksa e konsideron yllin e Barcelonës si më të mirin në histori.

“Dybala? Ai nuk do të bëhet si Messi. Messi është lojtari më i mirë në histori dhe vetëm Cristiano Ronaldo i afrohet. Nuk mund të krahasoni diçka të paarritshme me lojtar të shkëlqyer”, u përgjigj Cassano.

“Nuk po e them këtë për t’ia humbur meritat Dybalas. Ai është i ngjashëm me Vincenzo Montellan. Është i fortë, inteligjent dhe shënon shumë gola, por Messi është diçka tjetër”, shtoi mes tjerash italiani. /Gazeta Express/