Dy persona janë gjetur të vdekur të shtunën në fshatin Vitomircë të Pejës.

Policia e Kosovës, ka raportuar se dje rreth orës 17, se viktima femër së bashku me viktimën mashkull janë gjetur pa shenja jete, vdekjen e të cilëve e ka konstatuar mjeku.

“Në vendin e ngjarjes është gjete dhe sekuestruar një pistoletë dhe dy gëzhoja të fishekëve. Me urdhër të prokurorit trupat e pajetë të dy viktimave janë dërguar në IML për obduksion, rasti vazhdon të hetohet” thuhet në raportin 24-orësh.

Në vendin e ngjarjes kanë dalë njësitë relevante policore dhe prokurori i shtetit i cili e ka cilësuar rastin./Zëri/