Manchester City dhe Manchester United ia kanë vënë syrin sulmuesit në super-formë të Interit
Manchester City dhe Manchester United nuk janë rivalë vetëm në fushën e blertë.
Dy klubet nga qyteti i Manchesterit po bëjnë garë edhe për ta transferuar sulmuesin e Interit, Lautaro Martinez, shkruan “The Mirror”, përcjell Gazeta Express.
Sulmuesi argjentinas po shfaq formë të jashtëzakonshme këtë sezon dhe klubet e mëdha evropiane e duan në gjirin e tyre.
Sulmuesi argjentinas aktualisht vlerësohet 110 deri në 120 milionë euro, shumë të cilën do të ishin në gjendje ta paguanin të dyja klubet e Manchesterit.
Martinez i ka realizuar 5 gola në 12 ndeshje të zhvilluara në Serie A këtë sezon me Interin.
Lautaron ndërkohë e pëlqen edhe Barcelona. /Gazeta Express/