Mbrëmë, analisti politik, Dukagjin Gorani paralajmëroi pjesëmarrjen e tij në protestën e organizuar nga opozita e bashkuar. “Nesër. Në 1400h. Shihemi në shesh”, kishte shkruar ai.

Në një prononcim për Telegrafin, gjatë protestës së sotme, Gorani ka thënë se po pasqyrohet pezmi i mbledhur shoqëror. Sipas tij, kjo është protestë e qytetarëve e jo vetëm partive politike.

“Një vetëdije e re politike po lind. Kjo është një protestë për llogaridhënie karshi pushteti që shihet se asnjë institucion shoqëror nuk e merr seriozisht. Me marrëveshjet e tyre me shtetet tjera shihet se ata shkelin çdo normë, çdo kod politik, moral e ligjor. Mendoj që protesta e sotme është reagim ndaj një mospërfillje të tillë”, ka thënë Gorani. /Telegrafi/