Kryetarja e Grupit të grave deputete, Blerta Deliu-Kodra ka thënë se gjinia femërore çdo ditë e më shumë po bëhet më e përgatitur për të marrë përgjegjësi të reja në pozicione të rëndësishme por, sipas saj, ende ka probleme për avancimin e perspektivës gjinore në Kosovë.

Ajo tha për ‘Epokën e re’ se në disa prej komunave kanë vërejtur progres sa i përket barazisë gjinore, por sipas saj, ka pasur edhe të dhëna dëshpëruese në një pjesë të komunave.

“Ajo që mbetet ende shqetësuese është se gratë janë ato të cilat, në raport me burrat qëndrojnë shumë ulët në ranglistat e punësimit të Agjencisë së Statistikave të Kosovës, sidomos në nivelin lokal, ku janë përqindje tepër e ulët”, ka deklaruar Deliu. /Telegrafi/