Real Madridi e pret Barcelonën në “Santiago Bernabeu” të shtunën në mesditë, me mysafirët nga Katalonja që kanë 11 pikë më shumë në renditjen tabelore se kampioni i Spanjës dhe Evropës.
Por, kapiteni dhe mbrojtësi i madrilenëve, Sergio Ramos, ka insistuar se Real Madridi është i obliguar ta fitojë El Clasicon më shumë së kurrë më parë, transmeton Express.
“Do të jetë një ndeshje e madhe”, ka thënë Ramos të martën mbrëma në një ngjarje sponsorizimi.
Spanjolli ka thënë se nuk gjen fjalë për ta përshkruar El Clasicon.
“Është krejtësisht ndryshe dhe ndeshja më e rëndësishme në botë. Jemi të detyruar të fitojmë më shumë se kurrë më parë, për shkak të situatës në të cilën ndodhemi, në mënyrë që të mbesim në luftë për titull të La Ligës”, ka shpjeguar ai. /Express/
