Dy konkurrentet e spektaklit Supernova, Nina dhe Brikena, u përfshinë mbrëmë në një debat të ashpër gjatë prime-it.

Ndërsa diskutohej gjerësisht për veprimin e Ninës ndaj Edonës, që ishte një nga pikat më të diskutueshme të spektaklit, edhe Brikena mori fjalën për të ndarë mendimin e saj rreth situatës.

Brikena tha se nuk ka nevojë të ndërhyjë në situatat e Ninës për të marrë vëmendje, pasi, siç theksoi ajo, vëmendjen e merr vetë.

“Në qoftë se ne nuk ta kishim jep vëmendjen ty, me folë edhe me tregu që ke pak gojë me folë, ty prej këtu sikurse pensionistët [që dalin e marrin pensionin] e i qesin jashtë, ashtu edhe ty të kishin qit jashtë. Kështu që vazhdo”, i thoshte Brikena, Ninës.

Por, ajo nuk u ndal këtu, në një moment ajo u shpreh po ashtu me një ton pezhorativ.

“Duhesh me na i la këmbët, e me na i pi ujin që na të kemi jep vëmendje ty, me folë edhe me hapë pak gojën, me tregu pak veten. Ti nuk e ki ashtin e modeles, ti nuk je për modele zemër”, vazhdoi ajo tutje.

Nina më pas nuk qëndroi indiferente ndaj saj, duke iu kundërpërgjigjur.

“Unë nuk jam si ti e bërë nga koka tek këmbët, silikon i gjallë”, ia ktheu Nina, Brikenës. /Telegrafi/