Didier Drogba thotë se arsyeja që u kthye te Chelsea është uria për të fituar trofe.

“Pesë vjet është periudhë e gjatë për mosfitimin e Ligës Premier dhe dua ta fitoj sërish”.

“Ngritja e trofeut të Ligës Premier është një ndjenjë fantastike, të cilën nuk e kemi përjetuar për disa vite, e që është shumë gjatë për një klub si ky i yni”.

“Më ka munguar Liga Premier”, është shprehur futbollisti, i cili ka bartur fanellën e Bluve në vitet 2004-2012.

Gjatë asaj periudhe, Drogba i ka fituar tre tituj të Ligës Premier, katër Kupa FA, dy Kupa të Ligës dhe Ligën e Kampionëve. /Telegrafi/