Kandidati për asamble Komunale nga radhët e PDK-së në gadime, Fadil Dronogllava ka reaguar në lidhje me lajmet e fundit që kanë të bëjnë me  ish – kryetarin e PDK-së në Gadime të Ulët.

Sipas Drnogllavës, në Gadime të Ulët nuk ka qenë Kryetar të PDK-së, por ka qenë Kryetar të nëndegëve dhe atë: Nën Dega 1 dhe Nën Dega 2. Bardhyl Aliu, në vitin 2014 ka qenë Kryetar i Nën Degës 1 në Gadime të Ulët.

Ky është reagimi tij:

REAGIM: Në një postim në Facebook lexova se ish – kryetari i PDK-së në Gadime të Ulët paska dalë në përkrahje të Kandidatit të LDK-së për Kryetar Komune. Për hir të së vërtetës, po e ndij për obligim me sqaru opinionin se, në Gadime të Ulët nuk ka Kryetar të PDK-së, por ka Kryetar të nëndegëve dhe atë: Nën Dega 1 dhe Nën Dega 2. Bardhyl Aliu, në vitin 2014 ka qenë Kryetar i Nën Degës 1 në Gadime të Ulët, për një kohë të shkurtër deri në zgjedhjet lokale të vitit 2014, në raundin e parë të zgjedhjeve PDK Dega në Lipjan, doli fituese për Asamblenë Komunale, mirëpo u dasht të shkohet në raundin e dytë për kandidatët për kryetar komune dhe me koalicionet që u bënë pas zgjedhjeve, Z.Aliu kalkuloi që kandidati i PDK-së nuk do të jetë fitues, kështu që duke u frikësuar për vendin e tij të punës e ndërpreu aktivitetin e tij si Kryetar i Nëndegës së PDK-së, dhe asnjëherë nuk morri pjesë në mbledhjet e Shtabit Zonal, kuptohet duke kalkuluar për interesat e veta personale vlen të theksohet se nëndega për sa kohë e udhëhoqi z.Aliu u tregua se kishte rezultate shumë të dobëta dhe atë pikërisht nga udhëheqja e dobët e z.Aliu. Që atëherë nëndega e zgjodhi për Kryetar z. Argjend Tasholli, i cili për një kohë të shkurtër bashkë me kryesinë e bëri konsolidimin e nêndegës dhe që atëherë u bë një Nëndegë super e fuqishme, u zgjerua me anëtarësi dhe funksionon për mrekulli. Kjo i bie që shyqyr prej Zotit që shkoi z. Aliu sepse mund të ketë pasur mision për shkatërrimin e nëndegës! Fadil Drnogllava ish – Shef i Shtabit të Nëndegëve: 1 dhe 2 Gadime e Ulët, Babush i Muhaxherëve, Marevc dhe Gllavicë.