Drejtoresha Merita Bytyqi: Numri i rasteve pozitive të prekur nga virusi, fatkeqësisht dita ditës u rrit dukshëm

Drejtoresha Shëndetësisë në Lipjan Dr.Merita Bytyqi përmes një postimi në facebook iu është drejtuar qytetarëve lidhur me gjendjen e pandemisë covid-19 në Lipjan.

Dr. Bytyqi thotë se numri i rasteve pozitive të prekur nga virusi, fatkeqësisht dita ditës u rrit dukshëm.

 

Postimi i plotë nga ajo:

Qytetarë të nderuar!
Muaji që po lëmë pas nuk ishte aspak i lehtë, shumë sfidues bile… Numri I rasteve pozitive të prekur nga virusi, fatkeqësisht dita ditës u rrit dukshëm. Gjatë gjithë muajit Korrik u konfirmuan zyrtarisht 161 raste pozitive me COVID-19 për të ngritur numrin e përgjithshëm në 204 në Komunën tonë prej fillimit të Pandemisë. Betejën nga Virusi e humbën fatëkeqësisht 3 persona, ndërsa të shëruar deri më tani zyrtarisht janë 91.
Shifra aspak të mira dhe të trishta..
Një kohë e pakohë, e paparamenduar ndonjëherë më parë, e pa imagjinuar..
Por, qytetarë të nderuar Ne jemi ata të cilët mund ta ndalim këtë kurbë famkeqe, Ne jemi ata të cilët mundemi t’ia ndërrojmë kahjen e ta orientojmë tëposhtë, Ne jemi ata të cilët mund t’ia bëjmë Stop!
Andaj, sot në këtë ditë, duke ju uruar Festën e Kurban Bajramit, ju lutem të jemi sa më të përgjegjshëm, Ju lutem ti përmbahemi masave dhe rekomandimeve të Institutit.
Janë aq të thjeshta, janë vetëm tri:
# maskë
# distancë
# higjienë përsonale
… Urime edhe njëher festa e Kurban Bajramit, uroj të keni shëndetin dhe gjithë të mirat e Zotit!
Uroj të mos përsëritet më asnjëher një festë e tillë, një Bajram I tillë!
Uroj të shërohen sa më shpejtë të infektuarit, ndërsa familjeve të të ndjerëve Ngushëllimet më të sinqerta!

Me respekt,
Dr. Merita H. Bytyqi
Drejtoreshë e DSHPS-së
Lipjan