7 tetor 2015 -Të martën, në kinemanë e qytetit e cila gjendet në Shtëpinë e Kulturës “Tahir Sinani”, para një mase të konsideruar të publikut është shfaqur drama “ UNË GUXOJ”.Organizuar nga Zyra për Barazi Gjinore, pranë Komunës së Lipjanit në bashkëpunim me Grupin e Grave dhe shoqërinë civile, kanë filluar fushatën për vetëdijesimin e grave për të drejtat e tyre në kuadër të projektit të Rrjetit të Grupit të Grave të Kosovës, duke shfaqur dramën “UNË GUXOJ”.Interpretuar nga aktoret e mirënjohur të teatrit kombëtar si: Kumrije Hoxha, Safete Rugova, Makfire Miftari, Florentina Ademi, Molika Maxhuni. Kjo pjesë teatrale është përpiluar në pesë rrëfime të grave, që përcjellë mesazhin se Gratë edhe sot e kësaj dite ende nuk gëzojnë të drejtat e tyre të garantuara me ligj. Andaj shfaqja e kësaj pjese teatrale u mirëprit nga publiku me kërkesën për rishfaqje.