Borussia Dortmundi dëshiron ta bllokojë talentin e ri duke i ofruar atij kontratë të re të majme, në mënyrë që ta mbajë sa më gjatë në Gjermani. Ndërkohë, klubet e mëdha evropiane ia kanë vënë syrin 19 vjeçarit
Jadon Malik Sancho është njëri prej sensacioneve të futbollit evropian në vitin e fundit, shkruan Gazeta Express.
Borussia Dortmundi ka mbetur e mahnitur me paraqitjet e talentit në sezonin e fundit.
Prandaj, gjiganti gjerman po e mendon mënyrën se si ta bllokojë lojtarin dhe ta mbajë atë sa më gjatë në Gjermani.
Sipas tabloidit britanik “Daily Mail”, Dortmundi e ka përgatitur një kontratë të re prej 190 mijë funtesh në javë për lojtarin.
Dortmundi po ndihet i rrezikuar pasi klubet e mëdha evropiane ia kanë vënë syrin 19 vjeçarit.
Interesim për talentin ofanziv kanë shfaqur posaçërisht dy gjigantët anglezë, Manchester United dhe Manchester City.
Sancho ka realizuar 13 gola dhe ka dhuruar 19 asistime në të gjitha kompeticionet sezonin e kaluar, ndërsa paraqitjet e tij brilante janë vërejtur nga të gjithë.
Për momentin, Sancho nuk e ka ndërmend të largohet nga Bundesliga, prandaj do të mundohet ta zhvillojë një tjetër sezon impresionuese me klubin verdhezi. /Gazeta Express/