Dogana e Kosovës ka marrë një aksion në Prishtinë për kontroll të disa lokaleve të lojërave të fatit. Nga ky aksion janë konfiskuar aparate, shtëpiza te bastoreve dhe shtëpiza për lojëra të tjera. Është gjetur edhe drogë.
Një aksion i Dogës së Kosovës në disa lokale të Prishtinës ka rezultuar të jetë i suksesshëm.
Në 18 lokacione që është bërë kontrolle janë gjetur e konfiskuar aparate, shtëpiza të bastoreve dhe shtëpiza për lojëra të tjera.
Gazeta Express ka mësuar nga burimet e veta se në disa vende është gjetur edhe sasi e drogës.
“… janë bastisë 18 lokacione dhe janë sekuestruar aparate-shtëpiza te bastoreve dhe shtëpiza për lojëra, të gjitha këto janë te ndaluar për përdorim. Mirëpo, në disa raste është gjetur edhe një sasi droge”, kanë treguar burime të Express nga vendi i ngjarjes.
Gazeta Express ka kontaktuar për këtë çështje edhe zyrtar të Doganës së Kosovës, të cilët e kanë konfirmuar aksionin por nuk kanë pranuar të japin më shumë detaje.
