Policia e Kosovës ka konfirmuar lajmin që ka publikuar pak më parë, IndeksOnline se një shtëpi është duke u djegur në fshatin Babush të Muhaxherëve në Lipjan.
“Sot rreth orës 15:00 kemi pranuar informatën për një incident zjarri në një objekt ndihmës të një shtëpie në fshatin Babush i Muhaxherëve – Lipjan. Nuk raportohet për persona të lënduar. Raportohet vetëm për dëme mareriale”, ka bërë të ditur për IndeksOnline, zëdhënësja e Policisë së Kosovës për rajonin e Prishtinës Flora Ahmeti.
Burime të IndeksOnline ka bërë të ditur se kur kanë shkruar në këtë shtëpi zjarrfikësit, aty ka pasur disa bombola gazi dhe një rezervuar i naftës për nxehje, por falë intervenimit të shpejtë të zjarrfikëseve, është arritur që të lokalizohet zjarri dhe që të mos shpërthejnë bombolat e gazit dhe rezervari i naftës.
“Zjarrfikësit dhe policia menjëherë kanë dalë në vendin e ngjarjes. Është bërë largimi i banorëve jashtë një perimetri të caktuar derisa është lokalizuar zjarri dhe është evituar çdo rrezik i mundshëm”, ka thënë nder të tjera Ahmeti.
Ajo ka thënë se për detaje rreth rastit do të njoftojnë më vonë, pasi që nga njësitet kompetente të përfundojnë ekzaminimet e vendit të ngjarjes.