Dinari temë diskutimi në Bruksel, BQK: Edhe më parë kemi shprehur gatishmëri për takim me Bankën Popullore të Serbisë

PUBLIKUAR

LAJME TË TJERA

Viktima e aksidentit në Lipjan është një 71-vjeçar

Një person e ka humbur jetën si pasojë e një aksidenti që ka ndodhur...

Po bënin gara në rrugën Lipjan-Veternik, gjobiten shoferët

Njësia për Kontroll të Autostradave në kuadër të planit “Parandalimi i garave ilegale të...

Çështja e dinarit ka nxitur reagime të shumta nga faktori ndërkombëtar, të cilët kanë thënë se vendimi i BQK-së është marrë pa konsultime paraprake dhe pa marrë për bazë ndikimin te komuniteti serb.

Madje për këtë çështje është paraparë që nesër në Bruksel të mbahet takimi mes Kosovës dhe Serbisë, takim ky i cili është ftuar nga ndërmjetësi i BE-së, Miroslav Lajçak.

Kosovën këtë herë në këtë takim do ta përfaqësoj Banka Qendrore e Kosovës.

Lidhur me këtë nga Banka Qendrore e Kosovës kanë thënë për Telegrafin se BQK edhe më parë ka shprehur gatishmërinë që të takohet me Bankën Popullore të Serbisë për të diskutuar rreth lehtësirave për çështjen e dinarit.

“Banka Qendrore e Republikës së Kosovës (BQK) kohë më parë ka shprehur gatishmërinë që të angazhohet dhe takohet edhe me Bankën Popullore të Serbisë (NBS), për të fasilituar në përzgjedhjen e opsionit me të lehtë për procesin e transferimit të mjeteve përmes kanaleve bankare në llogaritë e përfituesve (në Euro)”, kanë deklaruar nga BQK.

Tutje ata janë shprehur se “në këtë kuptim, edhe i përgjigjet ftesave kur janë të nevojshme, për takime të tilla informuese, siç edhe ka bërë në vazhdimësi edhe me prezencën ndërkombëtare në vend”.

Që nga 1 shkurti ka hyrë në fuqi Rregullorja re e BQK-së për paratë e gatshme – ku thuhet se mjet i vetëm i pagesës në Kosovë është valuta euro.

Nga ajo datë nuk është lejuar futja e dinarit në Kosovë.

SHIKO MË SHUMË

ASK: Deri më tani në Kosovë janë regjistruar 530 mijë banorë

Agjencia e Statistikave të Kosovës po mban konferencën e radhës lidhur me ecurinë e...

Moti sot kryesisht me diell, temperaturat deri 15 gradë

Instituti Hidrometeorologjik i Kosovës ka njoftuar se kjo javë do të jetë me kushte...

Sveçla: Lista Serbe e udhëzuar nga Beogradi bojkotoi e sabotoi zgjedhjet në katër komunat veriore

Ministri i Punëve të Brendshme, Xhelal Sveçla është shprehur se Lista Serbe e udhëzuar...