Diego Costa pritet që të rikthehet edhe njëherë tjetër në Premierligë.
Ish-sulmuesi i Chelseat raportohet se është afër kalimit te Wolvesi, transmeton Gazeta Express.
“The Athletic” ka raportuar se klubi anglez po e kërkon Costan, pasi Sasa Kaljdzic së fundi pësoi një lëndim që do ta lë jashtë për një kohë të gjatë.
Të dielën mbrëma është raportuar se 33-vjeçari do të niset drejt Anglisë për t’iu nënshtruar testeve mjekësore para se të nënshkruajë me Wolvesin.
Nëse gjithçka shkon sipas planit, Costa te “Ujqit” do të kalojë si lojtar i lirë pasi ai është pa klub që nga 1 korriku i këtij viti.
Diego Costa së fundi u aktivizua te Atletico Mineiro në Brazil. /Gazeta Express/
