Edhe pse është kapur kohët e fundit në shoqëri të modeles polake, Ele Kavalec, e cila raportohej se është e dashura e re e aktorit amerikan, Leonardo DiCaprio nuk po ndalet së flirtuari me bukuroshet e tjera.

Aktualisht, sipas medieve amerikane, modelja Georgia Fowler është fotografuar teksa shoqërohet me DiCaprion në ndejat e festivalit të filmit në Kanë të Francës.

Në fakt, Leo u fotografua duke i marrë numrin e telefonit bukuroshes, ndërsa më vonë ata u panë në krah të njëri-tjetrit në festën e çmendur të festivalit të filmit, transmeton Telegrafi.

Georgia ka qenë më parë në një marrëdhënie me këngëtarin e bendit “One Direction”, Harry Styles, por është e njohur edhe për fushatat reklamuese të markave të modës.

Nuk rresht së publikuar fotografi seksi në rrjetet sociale gjersa ka diplomuar në psikologji dhe marketing. /Telegrafi/