Dhjetëra gra nga fshati Poturovc, ishin të pranishme në ligjeratën vetëdijesuese kundër kancerit të gjirit. Edhe sot, Dr.Merita Bytyçi me perkushtim të madh ka folur në detaje rreth kancerit të gjirit dhe mënyrat e duhura për tu mbrojtur nga kjo sëmundje.

Ndërsa, në hapje të takimit, asambleistja Linda Shahini, njëherit Kryesuese e Grupit të Grave në Lipjan, falenderoi gratë për pjesëmarrje, duke shpresuar, që kjo fushatë të ndihmoi sadopak në mbrojtje të shëndetit të gruas. Si çdo herë edhe sot kishte një koktell rasti për të pranishmet. Kjo fushatë organizohet nga Grupi i Grave në Lipjan në bashkpunim me shoqaten e gruas “Dritarja” dhe mbeshtetët nga Zyra e Kryetarit Imri Ahmeti.