Indeksonline ka raportuar për një aksident të rëndë trafiku në Polac të Skenderajt, ku ka humbur jetën një person.

Në aksident janë përfshirë një veturë dhe një traktor. Aksidenti ka ndodhur rreth orës 22:00.

Ndërkohë tani janë dhënë edhe detaje të tjera, ku theksohet se personi i cili ka humbur jetën ishte vozitësi i traktorit Z.G, 56 vjeçar.

“Në aksident ishin të përfshira një traktor dhe një veturë, ku si pasojë e lëndimeve të pësuara ka ndërruar jetë drejtuesi i traktorit Z. G., 56 vjeçar, ndërsa lëndime trupore ka pësuar edhe drejtuesi i veturës i cili është dërguar për tretman mjekësor në QKUK”, thuhet në njoftim.

Gjithashtu bëhet e ditur se nga hetimet e para të bëra në vendngjarje nga hetuesit e njësisë së trafikut rajonal, bëhet e ditur se si shkaktar dyshohet të ketë qenë pakujdesia e drejtuesit të traktorit i cili kyçet në mënyrë të pa sigurt nga rruga anësore në rrugën kryesore, me ç’rast ndeshet me veturën e llojit Tauran, ku shkakton aksident trafiku me fatalitet.

“Trupi i pajetë i viktimës me urdhër të prokurorit të rastit është dërguar në mjekësinë ligjore për obduksion”, përfundohet në njoftimin e Policisë.